گەڕەكێكى كوردنشین لە حەڵەب بە تەقینەوەیەك كرایە ئامانج

سەرلەبەیانى ئەمڕۆ تەقینەوەیەكى بەهێز لە شارى حەڵەب لە سوریا رویدا و تا ئێستا زیانەكانى ئاشكرا نەكراون و بەپێى زانیارییەكانى ئیرادە، تەقینەوەكە گەڕەگى ئەشرەفییەى كوردنشینى لە شارەكە كردۆتە ئامانج و لە نزیك پاركێكى گەڕەكەكەدا بوە، كە ئەو شوێنەش دەكەوێتە ژێر دەسەڵاتى هێزه‌كانی سوریای دیموكرات (هه‌سه‌ده‌)وە.

ئەم تەقینەوەیە پاش ئەوە دێت كە ناوەندى راگەیاندنى  هێزەکانی سوریای دیموکرات (هەسەدە) لە بڵاوكراوەیەك دا رایانگەیاندبو گروپە چەکدارەکانی سەربە حکومەتی دیمەشق زنجیرەیەک هێرش و پێشێلکارییان لە ناوچەی دێر حافر ئەنجامداوە، كە لە رێیەوە هەوڵدەدەن ئاسایش و سەقامگیریی باکور و رۆژهەڵاتی سوریا تێكبدەن.

هەر لە بڵاوكراوەكەى "هەسەدە"دا ئەوە هاتوە كە چەكدارەكانى دیمەشق لە رێگەی درۆنێکی خۆکوژییەوە ئۆتۆمبێلێکی سەربازیی هێزەكانیان كردۆتە ئامانج و سێ شەڕڤانیان برینداركردوە، ئەمە جگە لە بەئامانجگرتنى هێزێكى ئاسایشى ناوخۆ كە بوە هۆى برینداربونى چوار شەڕڤان، لە كاتێكدا سەرجەمیان لە ئەركى فەرمى خۆیاندا بون.

جێى ئاماژەیە لەدواى رێككەوتنەكەى نێوان هەسەدە و دیمەشق، میلیشیا چەكدارەكانى ئەحمەد شەرع بەردەوامن لە پێشێلكردنى رێككەوتنەكه و رۆژانە بە چەكى قورسى جۆراوجۆر هێرش