وته‌بێژی كۆشكی سپی: دوێنێ ئێران له‌سێداره‌دانی 800 كه‌سی راگرت

ناوەندی هەواڵ

كارۆلاین لیڤیت، وته‌بێژی كۆشكی سپی رایگه‌یاند، به‌هۆی گوشاره‌كانی دۆناڵد تره‌مپ، سه‌رۆكی ئه‌مریكاوه‌، دوێنێ چوارشه‌ممه‌، ئێران له‌سێداره‌دانی 800 كه‌سی راگرت.

كارۆلاین لیڤیت، وته‌بێژی كۆشكی سپی، له‌ كۆنگره‌یه‌كی رۆژنامه‌وانیدا له‌باره‌ی خۆپیشاندان و ناڕه‌زایه‌تییه‌كانی ئێران و كاردانه‌كانی ئه‌مریكا، وتی، سه‌رۆكی تره‌مپ ئه‌مڕۆ پێی وترا كه‌ بڕیار بوه‌ 800 كه‌س له‌ ئێران له‌سێداره‌بدرێن، به‌ڵام دوێنێ راگیران.‌

وتیشی، ئیداره‌ی سه‌رۆك تره‌مپ، به‌رده‌وامه‌ له‌ هه‌ڵسه‌نگاندنی په‌ره‌سه‌ندنه‌كانی په‌یوه‌ست به‌ ئێران و وتیشی، سه‌رۆكی ئه‌مریكا و تیمه‌كه‌ی له‌ نزیكه‌وه‌ چاودێری دۆخه‌كه‌ ده‌كه‌ن و سه‌رجه‌م بژارده‌كان هێشتا له‌به‌رده‌م سه‌رۆكدان.

جه‌ختیشی كرده‌وه‌، تره‌مپ هۆشداری داوه‌ته‌ تاران ئه‌گه‌ر به‌رده‌وام بێت له‌سه‌ر كوشتنی خۆپیشانده‌ران، روبه‌ڕوی "سزای توند" ده‌بێته‌وه‌