تەنها لە سێ رۆژدا تورکیا 748 جار لە خاکى هەرێم هێرش و بۆردومانى ئەنجامداوە

ناوەندی ڕاگەیاندن و چاپەمەنیی هێزەکانی پاراستنی گەل-هەپەگە، رایگەیاندن تورکیا تەنها لەماوەى سێ رۆژدا 748 جار بۆ سەر هەرێمەکانی پاراستنی مەدیا ئەنجامداوە.

ئەمڕۆ سێشەممە 29ى 4-2025  هێزەکانی پاراستنی گەل  لە ڕاگەیەندراوێکدا بڵاویکردەوە، سوپای تورک لە ئاسمان و زەمینەوە بەردەوامە لە هێرشەکانی بۆ سەر هەرێمەکانی پاراستنی مەدیا تەنها لەماوەى 26،27 و 28ى ئەم مانگە 748 جار هێرشی جۆراوجۆری ئەنجامداوە، گەریلاش لە بەرامبەردا ئۆتۆمبێلێکی زرێپۆشی داگیرکەرانی تێکشکاندووە.

بە پێى زانیاریەکانى راگەیەندراوەکە لە ماوەى سێ رۆژى رابردوودا  گۆڕەپانەکانی هەرێمی خواکورک، هەرێمی  گارە، هەڕێمی مەتینا، هەرێمی شەهید دەلیلی ڕۆژئاوای زاپ بە چەکی قورس، تۆپ و هاوەن بۆردوومان کراون و کۆى بۆردومانەکانیش 748 جار بووە