تورکیا بوونی درۆنێک بە دەرفەت دەزانێت و بەسەر بارەگایەکی پێشمەرگەدا دەیتەقێنێتەوە

لە گوندی بلاڤەی سەر بە ئامیدی، تورکیا بوونی درۆنێکی پەکەکە بە دەرفەت دەزانێت و بەسەر بارەگایەکی پێشمەرگەدا دەیتەقێنێتەوە ، بەو هۆیەوە سێ پێشمەرگە بریندار بوون ، بەڕێوەبەری تەندروستی ئامێدیش دەڵێت، بریندارەکان رەوانەى نەخۆشخانەکراون.

 بە پێی لێدوانی کامەران عوسمان بەرپرسی دیسکی مافی مرۆڤ لە سی پی تی ئەمریکی لەبارەی ئەو هێرشە درۆنییەی ئەمڕۆ کە تێیدا سێ پێشمەرگە بریندار بوون بە میدیای ئیرادەی ڕاگەیاند کە :

 کاتژمێر 2:54 خولەکی دوای نیوەرۆی ئەمڕۆ لە نزیک گوندی بلاڤەی ئامێدی، دوای ئەوەی پێشمەرگە سەرقاڵی دروستکردنی بارەگایەک دەبێت و درۆنێکی پەکەکەش لە ناوچەکەدا وەک جوڵەیەکی ئاسای چاودێری ناوچەکە دەکات ، تورکیا درۆنەکە ئاشکرا دەکات و بەسەر بارەگای پێشمەرگەکاندا دەیتەقێنێتەوە. لە ئەنجامیشدا سێ پێشمەرگە بریندار دەبن و ڕاستەوخۆش دەگوازرێنەوە بۆ نەخۆشخانە .