کۆبونەوەی یەکێتی و پارتی دەستیپێکرد

ناوەندی هەواڵ

کەمێک پێش ئێستا کۆبونەوەی وەفدی باڵای یەکێتیی نیشتمانیی کوردستان و پارتی دیموکراتی کوردستان بە سەرۆکایەتی بافڵ  تاڵەبانی و مەسرور بارزانی لە هاوینەهەواری دوکان دەستیپێکرد.

بەپێی زانیارییەکان لە کۆبوونەوەکەدا گفتوگۆ لەسەر پرسی دابەشکردنی پۆستەکانی حکومەت دەکرێت و یەکێتیش جەختی لەوە کردووەتەوە، کە دەیانەوێت بەشداری راستەقینەی حکومەت بن ویەکێتیش سوورە لەسەر ئەو بەڵێنانەی لە کاتی بانگەشەی هەڵبژاردن بە خەڵکی داوە.

پێشتریش چەند جارێک بافڵ  تاڵەبانی و مەسرور بارزانی کۆبوونەوەیان ئەنجامداوە، بۆیە چاوەڕێ دەکرێت لەسەر پشک و بەرکەوتەی یەکێی و پارتی لێکتێگەیشتن و رێککەوتنێکێک دروست ببێت.

سەرەڕای ئەوەی هەر دوولا جەتیان لەوە کردووەتەوە، قۆناغێکی قورسە و گفتوگۆی زیاتری دەوێت، بەڵام پێشبینی دەکرێت گفتوگۆکان بچنە قۆناغێکی گرنگ و نوێ بۆ پرسی پێکهێنانی حکومەت.