یه‌كێتی زیاد جه‌باری بۆ رێکخستنەوەو چاكسازی له‌ هێزه‌ ئه‌منیه‌كانی خۆی ڕاسپارد

ناوەندی هەواڵ

ئەنجومەنی سەركردایەتی یەكێتی نیشتمانیی كوردستان بریاریدا لیژنەیەک بۆ رێکخستنەوە و چاکسازیی لە کاروبارى هێزە ئەمنییەکانى تایبەت بە دەزگا حیزبى و مەدەنییەکانی خۆی دروستبکرێت.

ئەنجوومەنى سەرکردایەتى یەکێتى نیشتمانی کوردستان، راگەیەندراوێکى بڵاوکردەوە و تێیدا هاتووە لە کۆبوونەوەکەدا جەخت لەسەر ئەوەکرایەوە، دامودەزگا ئەمنییەكان رێكاری یاسایی و ئینزباتی پێویستیان گرتۆتەبەر بەرامبەر بەوانەی  لە رووداوی دوێنێدا پەلاماری پاسەوانەكانی زیاد جەبار, ئەندامى سەرکردایەتى و بەرپرسى مەڵبەندى رێکخستنى سلێمانییان دا.

بەپێی ڕاگەیەندراوەکە، بڕیاری دروستكردنی لیژنەیەك بۆ رێكخستنەوە و چاكسازی لە كاروباری هێزە ئەمنییەكانی تایبەت بە دەزگا حیزبی و مەدەنییەکان درا و سەرۆکایەتیی لیژنەکە بە زیاد جەبار سپێردرا.

لە کۆتایی راگەیەندراوەکەى ئەنجومەنى سەرکردایەتى یەکێتیدا هاتووە، كۆبوونەوەی سەركردایەتی دەربارەی گۆڕانكارییەكانی ناوخۆی حیزب چەند بڕیارێکى دا.

یەکێتی لیژنەیەی بۆ رێکخستنەوەی کاروباری هێزە ئەمنییەکان دروست دەکات و زیاد جەبار، سەرپەرشتی ئەو لیژنەیە دەکات.