مووچه‌ى مانگى 10 چى به‌سه‌رهات‌و به‌غدا بڕیارى چى داوه‌؟

بەرپرسێکی باڵای حکومەتی عێراق دەڵێت، ناردنی مووچەی مانگی 10ی فەرمانبەرانى هه‌رێم، هیچ گرفتێکی بۆ دروستنەبووەو ناردنی پارەکەش دەکەوێتە دوای 25ی مانگ.

مووچەخۆرانی هەرێم تائێستا تەنها مووچەی مانگی 9یان لەلایەن بەغداوە بۆ خەرجکراوە، هاوکات لەچەند ڕۆژی ڕابردوودا چەند دەنگۆیەک بڵاوکرانەوە کە گرفت بۆ مووچەی مانگی 10 دروستبووەو ناردنی ئەو پارەیە لەلایەن عێراقەوە بۆ هەرێمی کوردستان دوادەکەوێت.

بەرپرسێکی باڵای حکومەتی عێراق، کە لەهەمووان زیاتر ئاگاداری زانیاری لەبارەی مووچەیە ڕایگه‌یاند، "مووچەی مانگی 10 هیچ کێشەو گرفتێکی بۆ دروستنەبووە، لیستی مووچە وردبینی بۆکراوەو گرفتی نییە، ناردنی پارەکەش بۆ مووچەی مانگی 10 دەکەوێتە دوای 25ی ئەم مانگە".

ئه‌وه‌شى وت، "کاتێک حکومەتی عێراق دەست بەدابەشکردنی مووچەی مانگی 12ی فەرمانبەرانی خۆی دەکات‌و مووچەی دوو بۆ سێ وەزارەت دەدات، ئەوکات مووچەی مووچەخۆرانی کوردستانیش دەنێرێت".

ئەمڕۆ سێشەممە لیستی مووچەی مانگی 12 بۆ بەغدا نێردراو سبەینێ ده‌گاته‌ وەزارەتی دارایی عێراق.