میدیای ئیسرائیل: ترەمپ لەکاتی چوونی بۆ سعودیە دان بە دەوڵەتی فەلەستین دەنێت

ئیرادە میدیا

میدیای ئیسرائیل رایگەیاند، سەرۆكی ئەمریكا لە میانی سەردانەیەكەیدا  لە ناوەڕاستی مانگی ئایار بۆ سعودیە داندەنێت بە دەوڵەتی فەلەستینی و حكومەتێك بەبێ حەماس لە فەلەستین پێكدەهێنێت.

رۆژنامەی "جیروسالیم پۆستی" ئیسرائیلی بڵاویکردەوە، دۆناڵد ترەمپ سەرۆكی ئەمریكا لە میانی سەردانەیەكیدا بۆ وڵاتی سعودیە بە رەسمی داندەنێت بە دەوڵەتی فەلەستینی و پێكهێنانی حكومەتێكیش رادەگەیەنێت بەبێ بزوتنەوەی حەماس.

دەشڵێت، داننانی ئەمریكا بە دەوڵەتی فەلەستینی دەبێتەهۆی گۆڕانكاری لە رۆژهەڵاتی ناوەڕاستدا و چەند دەوڵەتێكی تریش دێنە ناو رێككەوتنی ئیبراهیمی و پەیوەندیەكانیان لەگەڵ ئیسرائیل ئاسایی دەكەنەوە.

بەپێی هەواڵی میدیا جیهانییەکان، لە سەردانەكەی ترەمپدا چەند رێككەوتنێكی ئابوری دەكرێت و وڵاتانی كەنداوی عەرەبیش لە سەپاندنی باجی گومگری دەبەخشرێن.