2026-03-26
199 جار خوێنراوەتەوە
ئاگربەست لەنێوان مەرجەكاندا گیری خواردووە
ئەمریكا هەزاران سەرباز دەنێرێت و ئیسرائیلیش پێگە موشەكیەكان دەكاتە ئامانج
ناوەندی هەواڵ
ئێران مەرجەكانی ئەمریكای رەتكردەوە و چەند مەرجێكی بۆ رێككەوتن ڕاگەیاند، لەكاتێكدا ئەمریكا هەزاران سەربازی بۆ رۆژهەڵاتی ناوەڕاست بەڕێكردووە، ئیسرائیلیش پێگە موشەكیەكانی ئێران دەكاتە ئامانج.
ڕاگرتنی جەنگی نێوان ئەمریكا و ئیسرائیل لەگەڵ ئێران، بەهۆی مەرجەكانی هەردوولاوە بە هەڵواسراوی ماوەتەوە، لەكاتێكدا ئەمریكا رێڕەوی دیپلۆماسی گرتووەتەبەر لەڕێگەی وڵاتە ناوبژیوانەكانەوە بۆ ئەنجامدانی رێككەوتن لەگەڵ ئێران.
تاران دەڵێت بڕیاری كۆتاییهێنان بە جەنگ بەتەواوەتی بڕیارێكی ئێرانییە
تاران دەڵێت بڕیاری كۆتاییهێنان بە جەنگ بەتەواوەتی بڕیارێكی ئێرانییە، ئەویش پەیوەستە بەو مەرجانەی دیارییان كردووە، نەك بەو كاتەی دۆناڵد ترەمپ سەرۆكی ئەمریكا دیاریكردووە.
بەرپرسێكی باڵای ئێران بە ئاژانسی ڕۆیتەرزی وتووە: پاكستان پێشنیازێكی ئەمریكای بۆ ئێران گواستووەتەوە، هەریەك لە پاكستان و توركیاش ئامادەن میوانداری گفتوگۆ چاوەڕوانكراوەكان بۆ ڕاگرتنی جەنگ و ئەنجامدانی رێككەوتن بكەن.
مەرجەکانی ئێران
سەرچاوەكان باس لە پێشنیازە 15 خاڵییەكەی ترەمپ دەكەن كە بۆ كۆتاییهێنانە بە جەنگ، لەگەڵ كردنەوەی گەرووی هورمز، بەڵام ئێران بە ئاشكرا بوونی گفتوگۆی ڕەتكردووەتەوە، جەختیش دەكاتەوە بوونی هەر رێككەوتنێك و ڕاگرتنی جەنگ پەیوەستە بە جێبەجێكردنی مەرجەكانیەوە، كە خۆی دەبینێتەوە لە ڕاگرتنی جەنگ، گرەنتیكردنی دووبارە هێرش نەكردنەوە سەری، قەرەبووكردنەوەی لەلایەن ئەمریكا و ئیسرائیلەوە، لەگەڵ كۆتایی هێنان بە جەنگ لەسەرجەم بەرەكان و داننان بە سەروەری ئێران لە گەرووی هورمز.
ئەمریكا سورە لەسەر مەرجەكانی
لەبەرامبەردا سەرچاوە رۆژئاوایی و ئەمریكیەكان باس لەوەدەكەن، ئەمریكا سورە لەسەر مەرجەكانی، ڕاگرتنی پیتاندنی یۆرانیۆم و كۆتایی هێنان بەو بڕە یۆرانیۆمەی ئێران هەیەتی، لەگەڵ وەستاندنی بەرنامە موشەكیەكەی و ڕاگرتنی پشتیوانی ئێران بۆ هاوپەیمانە ناوچەییەكانی.
لەكاتێكدا هەوڵەكان بۆ گەیشتن بە رێككەوتن بەردەوامن، وەزارەتی جەنگی ئەمریكا "پێنتاگۆن" ڕایگەیاندووە هەزاران سەرباز لە فیرقەی 82 لە رێگەی ئاسمانییەوە دەنێرێتە ناوچەكە، ئەمەش یەكێكە لە بژاردەكانی دۆناڵد ترەمپ سەرۆكی ئەمریكا.
لە رووی مەیدانییەوە، ئیسرائیل بەردەوامە لە بۆردومانكردنی پێگە موشەكیەكانی ئێران، بەتایبەت ئەو كارگانەی موشەكی كروز بەرهەم دەهێنن، لەگەڵ دامەزراوە سەربازیی و ئاویەكانی ئێران، سوپای پاسدارانی ئێرانیش بەردەوامە لە هەڵدانی موشەك بەرەو ئیسرائیل.
ئێران هەڕەشەی ئەوەش دەكات، جەنگ لە گەرووی هورمز و بابولمەندەب فراوان دەكات، ئەگەر هێرشی زەمینی بكرێتەسەری.
-
ئاڵۆزی و هەڕەشە؛ ئێران بۆ سەردەمی بەردین و گورزی تێكشكێنەر بۆ ئەمریكا
|
-
جێگرەوەی وشكانی؛ نەوتی عێراق لە كاریگەری هورمز ڕزگار دەكات؟
|
-
هێرشەكان بۆسەر هەرێمی كوردستان چڕبوونەتەوە؛ كۆگایەكی رۆنی بەریتانی ئامانجی ئەم بەیانییەی درۆنێك بوو
|
-
كاریگەری و هۆشدارییەكان؛ بەڵگەكان پشت پەردەی رفاندنی رۆژنامەنوسە ئەمریكیەكە ئاشكرادەكەن
|
-
کۆڕەو ترس بوو لە مردن یان عەشق بۆ ئازادی؟
|
-
حەوت گرێ پێكهێنانی حكومەت ئاڵۆز دەكەن؛ كێبڕكێی زۆرینە و سێیەكی پەكخەر
|
-
ئۆجەلان: ئەم پرسە گەورەیە نابێت بە بیرێكی بچوك لێی بڕوانرێت
|
-
ئێران هۆشداری دەدات؛ ئیسرائیل گەورەترین بودجەی سەربازیی پەسەند دەكات و ئەمریكاش هێزی زەمینیی زیاتر دەنێرێت
|
-
توركیا هەڕەشەی دەستێوەردان لە هەرێمی كوردستان دەكات؛ ئەگەر كورد بەشداری جەنگی ئێران بكات
|
|
|
|